مشروب كلنا بنحبه وعارفينه وكل دول العلم تعرفه ....طيب وبعدين؟؟؟
المصريين طبعا احسن ناس تسمي الحاجات بغير مسمياتها .... والمرة دي هتكلم عن
" الشــــــــــــــــــــــــــــــــــــاي بــــــــــــــــــتاعنا يــــــــــــــــــــــــــــــــــا استـــــــــــــــــــــــــاذ"
لو سألت اي حد في اي دوله في العالم بأي لغه : تفتكر الجمله " فين الشاي بتاعنا يا استاذ " معناها ايه ؟؟ ....اكيد حيقولك ان اللي بيسأل عايز يشرب شاي مثلا .....بس لو سألت واحد مصري حيجاوبك اجابة تانيه ..... الشاي بتاعنا يااستاذ دي عبارة منتشرة جدا في المصالح الحكوميه المصريه ومعناها يتوقف على الموقف اللي انت موجود فيه.......... بمعنى
لو ليك مصلحه ضروريه وملحه جدا يبقى معنى كلمه الشاي " هات الاتاوة احسنلك علشان تخلص مصلحتك" يا اما هتفضل تيجي كل يوم وتروح من غير ما تقضي مصلحتك وطبعا حجم كبايه الشاي" الاتاوه" يتوقف على حجم المصلحه اللي انت عايز تخلصها وكلك نظر يا بيــــه
......في نوع تاني من الشاي وده اللي موجود في معظم الجامعات الحكوميه ...مثلا لما سعادتك تروح كده تمتحن وتبقى طالع من اللجنه دايخ او مخنوق او مبسوط نادرا يعني وتبص تلاقي العامل " هووووب" نط ادامك ولزق فيك وتعلو وجهه ابتسامه سخيييفه وتلاقيه يقولك بلهجه المطالب بحقه " فين الشاي بتاعنا يا استاذ" .... ممكن تنفضله وتمشي بس اكييد هيشتمك" في سره "ويبصلك بصه مش حلوه .... وممكن تدفع بس لو المبلغ ما عجبوش هتلاقيه بيدعيلك من تحت الضرس ربنا يوفقك يا استاذ يا "جلدة" طبعا انت مش هتسمع الكلمه الاخيره دي علشان بيقولها في سره ... وده بيحصل بعد كل امتحان
النوع التالت بقى جديد شويه بس كان في فيلم مرجان احمد مرجان وهو " الشاي بالياسمين" ...وطبعا اكيد كلكم عارفين حكايته !!!!!................
ياااااااااااااااااه انا كتبت كتير اوي معلش صدعتكم .... يللا قومو اشربو شــــــــــــــاي
بقلم : احمد ممدوح
ليست هناك تعليقات:
إرسال تعليق